गौतमबुद्ध अन्तर्राष्ट्रिय क्रिकेट रंगशालाका लागि ललितपुरको अल्का अस्पतालले २५ लाख रुपैयाँ प्रदान

 चितवनको भरतपुरमा निर्माण भइरहेको गौतमबुद्ध अन्तर्राष्ट्रिय क्रिकेट रंगशालाका लागि ललितपुरको अल्का अस्पताल प्रालिले धुर्मुस–सुन्तली फाउन्डेसनलाई २५ लाख रुपैयाँ प्रदान गरेको छ ।

रंगशाला निर्माणस्थलमा पुगेर अल्का अस्पतालका अध्यक्ष कुमार थापाले २५ लाख रुपैयाँ हस्तान्तरण गरेका हुन् । रंगशाला निर्माणमा सानै भए पनि सहयोग पुग्ने हिसाबले अस्पतालले सहयोग गरेको अध्यक्ष थापाले बताए । उनले यस अभियानमा आफूहरूको सहयोगी हातका रूपमा उभिन पाउँदा खुसी लागेको बताए ।

त्रिभुवन विश्वविद्यालयको स्वामित्वमा भरतपुर–१६ स्थित कृषि तथा वन विश्वविद्यालयको जग्गामा रंगशाला निर्माण भइरहेको छ । रंगशाला निर्माणका लागि ३ अर्ब रुपैयाँ लाग्ने फाउन्डेसनले जनाएको छ ।