नक्कली नोटसहित पक्राउ
एनएनओ मोरङ ,नक्कली नोटसहित मोरङको झुर्कियाबाट चार भारतीय नागरिकलाई प्रहरीले पक्राउ गरेको छ ।
यसरी पक्राउपर्नेहरुमा भारत दादरबरियाका २५ बर्षीय राजेन्द्र मण्डल २८ बर्षीय सुरेन्द्र साह २७ बर्षीय सत्यना मण्डल र १५ बर्षीय किशोर साह रहेको इलाका प्रहरी कार्यालय सिजुवाका प्रहरी निरीक्षक अनिल पौडेलले बताउनुभयो ।
झुर्किया-२ स्थित मेघराज राजवंशीको पसलमा पैसा साट्ने क्रममा चार हजारका नक्कली नोटसहित उनीहरुलाई प्रहरीले पक्राउ गरेको हो ।
पक्राउ परेका अभियुक्तउपर जाली नोट ओसारपोसारसम्बन्धी मुद्दा चलाइने प्रहरीले जनाएको छ ।
