« मधेस स्वायत्त प्रदेश बनाउनुपर्ने माग - राजवंशीको आपत्ति | Main | नेपाली समाचार साप्ताहिक यू ए इको प्रथम बार्षिक कार्यक्रम »
प्रेमिकालाई मारेर मरे भोजपुरका बिकास राई
By Administrator | July 6, 2008
सुनसरीको धरानमा गएराति एक युवकले आफ्नी प्रेमिकाको हत्या गरी आत्महत्या गरेका छन् ।
राजधानीस्थित नेपाल कमर्श क्याम्पसमा बीबीएस प्रथम वर्षमा अध्ययनरत विकास राईले भोजपुर दोभाने घर भई धरान-१८ बस्ने संगीता राईको धारिलो हतियार प्रयोग गरी हत्या गरेका हुन् ।
प्रेमिकाको हत्यापछि उनले पनि आत्महत्या गरेका छन् । उनीहरु गएराति धरानको चतरा लाइनस्थित एक होटलमा बसेकोमा शनिबार बिहान संगीतालई मृत फेला पारिएको थियो भने विकास विषय सेवन गरी पेटमा छुरारोपेर छटपटाएको अवस्थामा भेटिएका थिए ।
उपचारका लागि अस्पताल पुर्याएलगत्तै विकासको मृत्यु भएको थियो । उनीहरु बसेको कोठामा हस्तलिखित पत्र छरपस्ट अवस्थामा भेटिएको प्रहरीले जनाएको छ। हत्याको कारण स्पष्ट नभए पनि विवादपछि सो घटना भएको हुनसक्ने प्रहरीले आशंका गरेको छ।
Bookmark This 
Topics: समाचार |