वाईसीएल आतङ्क - निर्वाचनपछिका घटनाक्रम | nayanepalonline.com | प्रवाशी नेपालीकालागि कतारबाट सञ्चालित

वाईसीएल आतङ्क - निर्वाचनपछिका घटनाक्रम

By Administrator | July 1, 2008

राष्ट्रिय मानवअधिकार आयोगद्वारा ५ जेठमा जारी प्रेस विज्ञप्ति अनुसार नेकपा माओवादीको संगठन वाइसी एल ले चुनाव पछी गरेका घटनाहरुलाईको विवरण :

• भोजपुर कुलुङका एमाले कार्यकर्ता रामसिंह राई, खगेन्द्रकुमार राई, डेढराज बस्नेत, कुलबहादुर राईलाई कुटपिट गरी सख्त घाइतेबनाएको।

• पार्टीविरुद्ध लागेको र भोट नदिएको भन्दै नुवाकोट ढखरपौवाका चन्द्रबहादुर श्रेष्ठको निर्माणाधीन पक्की घर भत्काइदिएको।

• गोरखा, केरावारीस्थित नेउपाने माविका शिक्षक रामेश्वर पोखरेलमाथि भोट नदिएको भन्दै कुटपिट गरी उपचार गर्न जिल्ला बाहिर जान समेत रोकेको।

• गोरखाकै ज्ञानज्योति माविका प्रधानाध्यापक तोयाराज गुरुङ, शिक्षक विष्णुदत्त अधिकारीमाथि कुटपिट।

• गोरखा, सिम्जुङस्थित हिमाल माविका इन्द्रकुमार मिश्र, जनी घले र चतुरमाला मावि, मुचोकका रघुनाथ अधिकारीलाई राजिनामा दिन बाध्य बनाइएको।

ङ्ग सडक निर्माणका लागि चन्दा र भोट नदिएको भन्दै सिन्धुपाल्चोकको नवलपुर•८ का बासिन्दाले उपभोग गर्दै आएको खानेपानीको पाइप काटिदिएको।

• ज्यान मार्ने धम्की दिएपछि पाँचथर च्याङ्थापु गाविसका नरबहादुर गुरुङको पाँच जनाको परिवार सदरमुकाममा विस्थापित।

• कास्कीको कास्कीकोटमा मीनबहादुर अधिकारीसहित पाँच दाजुभाइमाथि निर्घात कुटपिट।
• अर्घाखाँचीस्थित गुल्मेली होटलका सञ्चालक रमा बञ्जारेमाथि हातपात।

• काभ्रेपलाञ्चोक जिल्ला होक्से गाविस शिखरपुरका प्रतापसिंह तामाङलाई काङ्गे्रसलाई भोट दिएको आरोपमा धम्की।

• चितवन माडीस्थित रामेश्वर उच्च माविका शिक्षकहरू कृष्णप्रसाद पाठक र रामनाथ तिवारीमाथि कुटपिट।