« सूर्यबहादुर थापा गिरिजालाई राष्ट्रपती बनाउने पक्षमा | Main | आज एस एल सि परिक्षाको रिजल्ट »
दोहामा सत्यनारायण पूजा
By Administrator | June 22, 2008
श्यामसुन्दर शशी
दोहा -कतार, माइजरस्थित इन्जिनियर रविकान्त लाल दासको घरमा बिहीबार सा“झैदेखि चहलपहल थियो । मिथिलाञ्चलमा जस्तै फूलबारी र बरघरा -बैठक) रहेको घरभित्रबाट गीतगाइन -गाउने महिलाहरू) ले धार्मिक गीत गुन्जाइरहेका थिए ।
दोहाको अति व्यस्त सहरको यो कुनामा धोती, कर्ुता र गम्छामा ठा“टिएकाहरू भित्र-बाहिर गरिरहेका थिए । यसले पनि मिथिलाकै कुनै सहरको छनक दिइरहेका थियो । भन्सिया -खाना पकाउने) हरू पुरी, जुलेबी, तरकारी र तिलको चटनी बनाउन व्यस्त थिए । यो खाडीमा सारी लगाएका महिला देखिए पनि पुरुषलाई धोती-कर्ुतामा देख्नु नौलो अनुभव थियो ।
जनकपुरमा जस्तै धार्मिक, सांस्कृतिक र राजनीतिक गफगाफमा तल्लीन रहेका उनीहरू खासमा सत्यनारायण पूजामा सहभागी थिए । यहा“ नेपालीहरू कामका लागि आउन थालेको लगभग ३० वर्षभइसके पनि यस किसिमको पूजा सम्भवतः पहिलो पटक भइरहेको थियो । यसैले पनि आगन्तुकहरू सयौंको संख्यामा
थिए । सबै नया“ उत्साहमा देखिन्थे । पर्राई मुलुकमा मौलिक धार्मिक संस्कारलाई निरन्तरता दिन सकेकामा रविकान्त पनि औधी खुसी देखिन्थे । ‘नेपालसहित विश्वशान्ति र निजी कल्याणको मनोकामना राखी पूजा लगाएको हु“,’ उनले भने ।
सत्यनारायण पूजा मिथिलामा निकै लोकप्रिय र पवित्र पूजा हो । दिनभरि उपवास बसेर व्रतालुहरू राति विधिवत् पूजा गर्छन् ।
कतारको राजधानीमा पुरोहित पश्चिम नेपाल -कपिलवस्तु) का थिए र विधि-व्यवहारमा अलि फरक परेको थियो । तर सबैले मनोभावसाथ कथा सुने र प्रसाद पनि ग्रहण गरे । पूजापश्चात्को मिथिला भोजन अविस्मरणीय थियो- पुरी, जुलेबी, तरकारी, तिलको चटनी र दही-चिनी ।
Kantipur
Bookmark This 
Topics: समाचार |