« महोतरीको ३ क्षेत्रको १५ केन्द्र र अर्घखाँचीको २ क्षेत्रका केहि मतदान केन्द्रमा आज मतदान जारी | Main | अहिले सम्मको मतगणनाको जानकारी कुन पार्टिको कती सिट? »
अज्ञात समूहले मतपेटिका जलाएपछि दोश्रो पटक मतदान स्थगित
By Kumar Karki | April 16, 2008
अर्घखाँची, वैसाख ४ - अज्ञात समूहले मतपेटिका जलाएपछि अर्घखाँची क्षेत्र नं. २ मा आज दोश्रो पटक पनि मतदान हुन सकेन ।
जुकेना गाविसको सुधा मावि केन्द्रमा बिहान मतदान भैरहेको समयमा १०-२० जनाको अज्ञात समूह आई मतपेटिका जलाउनुका साथै निर्वाचनका लागि खटिएका कर्मचारीलाई कुटपिट गर्न थालेपछि मतदान हुन नसकेको हो ।
सो समूहसँगको झडपपछि मतदान स्थगित गरिएको जिल्ला निर्वाचन अधिकृत पुरुषोत्तम प्रसाद अधिकारीलाई उद्दत गर्दै हाम्रा समाचारदाताले जनाएका छन् । सो केन्द्रमा चैत २८ गते मतदान हुन नसकेपछि निर्वाचन आयोगले आजका लागि पुन: मतदानको समय तोकेको थियो ।
अहिले केन्द्रमा सुरक्षाकर्मीहरुको बाक्लो उपस्थिति रहेको छ । यसैबीच मतदान स्थगित गरिएका अर्घखाँची क्षेत्र नं. १ का २ वटा केन्द्र र महोतरीका ३, ४ र ५ निर्वाचन क्षेत्रका १५ वटा मतदान केन्द्रमा मतदान भैरहेको छ
Bookmark This 
